Jaane kyon khidkiyon se diye jalte rahe,
Jaane kyon tiddiyon ke jhalak dikhte rahe.
Jaane kyon desh mein log beghar ho gaye,
Jaane kyon raasto ko naap, wahi so gaye.
Jaane kyon kheto mein kisaan beej nahi bo rahe,
Jaane kyon gharo mein mehfooz, hum aasoo ro rahe.
Jaane kyon surrey aam poore baazaar bik jaate rahe,
Jaane kyon hum yaha baazaar bhi Cheen se laate rahe.
Jaane kyon chakravaat, bhookamp ko ab aana tha,
Jaane kyon rab ko apna rob ab jatana tha.
Jaane kyon khuda ne kuchh logo par ki nahi rehmat,
Jaane kyon iss baat se main hu waqif, par nahi sehmat.
Kuchh lamhe, kuchh shabd, kuchh yaadein, kuchh kisse...
Dua hai bas itni: sehat, suraksha aur sukh ho sabke hisse!